Haqiqat — bahslarda tug‘iladi, deyishadi. Bahsga esa faqatgina kuchli bilim, puxta tayyorgarlik va yuksak salohiyatga ega insonlargina kirisha oladi.
«Kamolot” yoshlar ijtimoiy harakati Markaziy Kengashi, Xalq ta’limi, Oliy va o‘rta maxsus ta’lim vazirligi, O‘rta maxsus, kasb-hunar ta’lim markazi, Fanlar akademiyasi va Davlat boshqaruvi akdemiyasi bilan hamkorlikda joriy yilning 5-7 fevralьkunlari Toshkent moliya institutida Harakatning hududiy Kengashlari qoshida faoliyati yo‘lga qo‘yilgan „Munozara” to‘garaklari jamoalari o‘rtasida respublika turnirining maqsadi ham ana shunday yoshlarni kamol toptirish.
Mazkur musobaqalar O‘zbekiston Respublikasi Prezidentining 2014 -yil 6-fevraldagi PQ-2124-sonli qarori bilan tasdiqlangan “O‘zbekiston Respublikasida yoshlarga oid davlat siyosatini amalga oshirishga qaratilgan qo‘shimcha chora-tadbirlar to‘g‘risida”gi dasturining 37-bandi ijrosini ta’minlash maqsadida tashkil etildi.
Ishtirokchilar uchun birinchi kun Alisher Navoiy nomidagi O‘zbekiston Milliy kutubxonasiga sayohat uyushtirildi va Milliy kutubxonaning a’zolik guvohnomalarini tantanali topshirish marosimi bo‘lib o‘tdi.
Keyingi kunlarda esa 8 guruhda „Munozara” respublika turnirining saralash bosqichlari, chorak, yarim final va so‘nggi kunda final o‘yinlari o‘tkazildi.
Bugungi kunda joylarda “Munozara” to‘garalariga jalb qilingan 2000 nafardan ortiq o‘quvchi va talabalar o‘rtasida»Yoshlar o‘rtasida erta nikoh qurish va uni oldini olishda jamoatchilikning o‘rni”, «Yoshlar va kitob”, „Yoshlar va internet”, “Ommaviy madaniyat milliy madaniyatning kushandasi”, „Ijtimoiy tarmoqlar foydadan ko‘ra ko‘proq zarar keltirdi”, “Internet kitobdan foydali”, „Boshlang‘ich tashkilotning yoshlar hayotida tutgan o‘rni” va “Ommaviy madaniyatning jamiyatga ta’siri” kabi bir qator mavzularda muntazam mashg‘ulotlar olib borilmoqda.
Batafsil (rasmlar bilan): kamolot.uz
