Ҳозирги кунда бутун дунё давлатларининг, ва шу жумладан, Ўзбекистон Республикасининг  ҳам ёшларга нисбатан қаратилган  эътибори  жуда катта. Бу борада уларнинг нафақат манавий-марифий, балки интеллектуал салохиятини ҳам юксалтириш ва уларни тегишлича рағбатлантириш кўзда тутилади. Зотан, давлатимиз раҳбари И.Каримов алоҳида таъкидлаганидек, бугунги кунда фақат юксак билимли, замонавий фикрлайдиган, интеллектуал ривожланган ҳамда профессионал тайёргарликка эга бўлган ёшларгина сифатли, жадал ва инновацион тараққиётнинг энг муҳим шарти ва гарови бўла олиши, айнан улар мамлакатнинг буюк келажагини таъминлаши мумкин. Шуни таъкидлаб ўтишимиз жоизки, иқтидорли ва изланувчан ёшларимиз фикрларини амалга ошириш ва уларни қўллаб қувватлаш мақсадида турли имконият ва шароитлар яратилмоқда. Булар қаторида талабалар учун  бағишланган “Камолот” ЁИҲнинг “Камолот стипендияси” – 2014  дастурини яққол мисол тариқасида келтиришимиз мумкин.

         Шу йилнинг 18 декабрида “Ёшлар ижодиёт саройи”да Ўзбекистон Республикасининг Конституцияси кабул килинганлигининг 22 йиллиги муносабати билан бўлиб ўтган байрам тадбирида 55 нафар  “Камолот стипендияси” совриндорлари  тантанали равишда тақдирланишди. Шу жумладан, Тошкент ислом университетининг 4-босқич талабаси, юқорида айтиб ўтилган стипендия совриндори бўлди. Фотима Халилова ўз лойиҳасининг мазмун ва мохияти билан ажралиб турди. Бунда у “Камолот” ЁИҲ Тошкент ислом университети бошланғич ташкилоти қошида ҳайрия фонди ташкил этиш ташаббуси билан чиқди. Фонд кам таъмилланган ва боқувчисини йўқотган болаларга моддий ва маънавий кўмак кўрсатади. Бу ғояни амалиётда хам қўллагани хақиқатдан ҳам таърифга сазовор. 

          Шу каби стирендиялар талабаларнинг моддий ва маънавий эҳтиёжларини қондирибгина қолмай, уларни кераклича рағбатлантиради. Уларда енг асосий  мақсад шундаки, бундай лойиҳалар Республикамиз талабаларининг амалга ошиши қийин бўлаётган инновацион фикр ва мулоҳазаларини реал ҳаётга татбиқ етади ва юртимизнинг ёрқин келажагида муҳим пойдевор бўлиб қолади.   

          Қўшимча маълумот сифатида қуйидаги сонларни кўрсатиб ўтиш мумкин: «Камолот” стипендияси 2002 йилдан буён ўтказиб келинаётган бўлиб, ўтган йили танловга жами 600га яқин аризалар келиб тушган, шулардан 60 нафари стипендияга муносиб номзод деб топилган эди.

Тошкент ислом университети талабаси

Йўлдошева Эъзозахон

       1992 йил 8 декабрь қабул қилинган  Ўзбекистон Республикасининг Конституцияси мамлакатимиз   озодлигининг  шаҳодати сифатида қадрлидир. Муҳтарам Президентимиз И.Каримов таъбири билан айтганда “Конституциямизнинг ҳеч нарса билан ўлчаб, баҳолаб бўлмайдиган беқиёс аҳамияти ва тарихий ролини биринчи навбатда биз учун мутлақо янги бўлган миллий давлатчилик ва унинг ижтимоий-сиёсий тизимини яратиш, демократик тамойиллар асосига қурилган сиёсий ва иқтисодий тизимни шакллантириш учун зарур бўлган ҳуқуқий пойдевори айнан Асосий Қонунимиз белгилаб берганида кўрамиз”. Бу кун ҳар йили тантанали байрам ва бир қатор тадбирлар кўринишида ўтказиб келинади.

        Шу жумладан, 2014 йилнинг 9-12 декабрь кунлари Тошкент ислом университетида бўлиб ўтган “Заковат” интеллектуал ўйинини мисол тариқасида этиб ўтишимиз мумкин. “Камолот” ЁИҲ Шайхонтоҳур Кенгаши ҳомийлигида ўтказилган ўйин Ўзбекистон Республикасининг Конституцияси кабул килинганлигининг 22 йиллиги муносабати билан ташкиллаштирилди. Бунда жами ўн иккита жамоа иштирок этди ва улардан “Миллий ғоя, маънавият асослари ва ҳуқуқ-2”, “Диншунослик-1”, “Ислом тарихи ва манбашунослиги-2” ва “Ислом тарихи ва манбашунослиги-1” гурухлари финал босқичига йўлланмани қўлга киритдилар. Конституция, Вазирлар Махкамаси, Қўмиталар ва шу каби мавзулар жамоалар ва уларнинг иштирокчилари муҳокамасига ташланди. Қизғин ва кўтаринки кайфиятда ўтказилган беллашувнинг ғолиби “Ислом тарихи ва манбашунослиги-1”, деб топилди ва ғолиб гурух “Камолот” ЁИҲ Шайхантахур туман кенгаши раиси Л.Тўраев томонидан берилган диплом ва совғалар билан тақдирланди.

        Шу ва шу каби интеллектуал ўйинлар ёшларимизнинг нафақат хуқуқий, балки маънавий-маърифий, ижтимоий, сиёсий ҳамда демократик билимларини ва салохиятларини янада кўпайтиришда муҳим ўринни эгаллайди.

        “Заковат” интеллектуал ўйини 2001 йилдан бошлаб асос солинган. Халқимизнинг салохиятини ва маънавиятини ошириш, адабиёт, маданият, таълим, санъат, соғлиқни сақлаш соҳаларини юксалтириш ва  ривожлантириш мақсадида ўтказиладиган ўйин хозиргача ўз моҳиятини барча  ёш вакилларида намоён қилиб келинмоқда.

Тошкент ислом университети талабаси

Йўлдошева Эъзозахон

     Ўзбекистон Республикаси Вазирлар Маҳкамаси ҳузуридаги Тошкент ислом университети “Информатика ва ахборот технологиялари” кафедрасининг “Ахборот ва мультимедиа технологиялари” йўналиши магситрлари томонидан 29 ноябрь куни Талабалар турар жойида “Хорижий давлатлар таълим тизими: Малайзия ва Япония” мавзусида тадбир ташкил этилди. Тадбирнинг асосий мақсади Жанубий-шарқий Осиё давлатлари таълим тизими билан талабаларни таништиришдан иборат.

     Тадбирни “Информатика ва ахборот технологиялари” кафедраси мудири Н. Турсунов очиб берди. Шундан сўнг Тошкент ислом университети ва Малайзия халқаро ислом университети ўртасида тузилган халқаро шартномага асосан жорий йилнинг 30-14 май кунлари Тошкент ислом университети магистр ва талабаларидан тузилган делегация Малайзия халқаро ислом университети билан тажриба алмашиш мақсадида Куала-Лумпур шаҳрига бўлишган эди. Ана шу ташриф таассуротлари билан таништириш учун 2 босқич магистрантлари Т. Азимов, Б.Усмонов, И.Икромов, А.Мухаммадиевлар сафар билан боғлиқ барча маълумотлар, фото ва видео лавҳалар намойиш этишди, Шунингдек,. Унда Малайзия ҳамда МХИУдаги таълим тизими ҳақида батафсил маълумот берилди. 

     Тадбирнинг иккинчи қисми Япониядаги таълим тизимига бағишланди. Унда JICA ташкилоти кўнгиллиси Ҳироши Мацимоца Япония ҳамда унинг маданияти ва таълими ҳақида JICA валантиёри Жаноб Мансур йиғилганларга маълумот берди. Тақдимот охирида Жаноб Мансур Япония билан боғлиқ викторина саволлар берди. Фаол иштирокчиларга ўзининг эсдалик совғаларини топширди. 

     Малайзия ва Япония ҳақида қўшимча янгиликларга эга бўлган турли йўналиш талабалари ўзлари қизиқтирган саволларни бериб етарли жавобларни олишди. Бугунги кунда JICA ташкилоти кўнгиллиси Ҳироши Мацимоца “Информатика ва ахборот технологиялари” кафедрасида ўқитувчилик қилмоқда. Малайзия сафари таассуротлари ҳамда жаноб Мансур (Мацимоцанинг ўзбекча исми) томонидан тайёрланган тақдимот тадбирида “Информатика ва ахборот технологиялари” кафедраси мудири Н. Турсунов, М. С.Ходжаева, Р. Жўраева ва бошқалар иштирок этишди. Талабалар турар жойидаги мазкур тадбирдан талабалар жуда катта таассуротларга эга бўлишди. Чет элдаги таълим тизимида таълим олиш учун жуда кўп билимларга, айниқса тилга, замонавий технологиялар хақида билимларга эга бўлиш кераклигини англашди. 

Тошкент ислом университети

2-босқич магистранти Б. УСМАНОВ 

     Тошкент ислом университетида Европа Иттифоқининг Erasmus+ Ахборот куни бўлиб ўтди. Тадбирда, Ўзбекистондаги Эразмус + дастури миллий координатори Азиза Абдураҳманова Тошкент ислом университети ва Тошкент Давлат Шарқшунослик институти профессор-ўқитувчилари ва талабаларига ушбу дастур ҳақида атрофлича маълумот тақдим этди.

     Европа Иттифоқининг Erasmus+ дастури ҳақида батафсил маълумот олиш учун ушбу сайтга киринг: www.erasmusplus.uz 

         Хаммага маълумки, юртимизнинг хар қандай хуқуқий билимлариниг алифбоси – Конституциямиз қабул қилинганлигининг 22 йиллиги арафасида турибмиз. Шуни таъкидлаб айтиш жоизки, давлатимиз сиёсатининг  “баркамол авлод” деган тушунчасида биринчи навбатда ҳуқуқшунос эмас, балки ўз ҳақ-ҳуқуқини тўлалигича биладиган инсонлар хақида сўз юритилади. Бундан кўриниб турибдики, давлатимиз ва миллатимиз ривожи ва камолоти учун биз ўз навбатида, ҳақ-ҳуқуқимизни тўлақонли билишимиз ва ўрганишимиз лозим.

         Куни кеча Тошкент ислом университетининг Миллий ғоя, маънавият асослари ва ҳуқуқ кафедраси томонидан “Эрк ва эътиқод таянчи” номли байрам тадбири ўтказилди. Кўтаринки руҳ ва байрамона кайфиятда ўказилган  ушбу тадбир юртимизда Конституция ва унинг моҳияти халқимиз  айниқса, ёшлар ҳаётида катта аҳамиятга эга эканлигини кўрсатиб берди. Ҳеч кимга сир эмаски, давлатда конституциянинг қабул қилиниши ушбу давлатнинг ижтимоий, сиёсий ва иқтисодий ҳаётида янги даврни очиб беради.

         1992 йилнинг 8 декабрь куни қабул қилинган Конституция давлатимиз ва миллатимизнинг ўтмиши ҳамда келажагини ўз ичида акс эттирувчи хужжатларни ўзида мужассамлаштиради. Ушбу қомус республика фуқароларининг муносиб ҳаёт кечиришларини таъминлашга интилиб, инсонпарвар демократик ҳуқуқий давлат барпо этишни кўзлаб, фуқаролар тинчлиги ва миллий тотувлигини таъминлаш мақсадида хизмат кўрсатиб келади.

Тошкент ислом университети талабаси

Йўлдошева Эъзозахон

   Жорий йилнинг 26 ноябрь санасида Тошкент ислом университетида “Диний экстремизм ва фундаментализмнинг замонавий концепциялари” мавзуида давра суҳбати бўлиб ўтди. 

    Давра суҳбатини Ўзбекистон Республикаси Президенти ҳузуридаги Давлат бошқаруви академияси ректори А.А.Абдувоҳидов ҳамда Тошкент ислом университети ректори Р.В.Абдуллаев олиб бордилар.

   Дастлаб Тадбир давомида маърузачи тадбир иштирокчиларига Диний экстремизмнинг келиб чиқиш сабаблари, тарихи ва асосий мақсадлари хақида тўхталиб ўтди. Тадбир давомида мутахассислар томонидан Яқин Шарқда “Ироқ ва Шом ислом давлати” номида фаолият юритиб келаётган диний экстремистик гуруҳлар билан боғлиқ бўлган жараёнлар, уларнинг юзага келиш тарихи, шиори, мақсади тўғрисида маълумот берилди. Шунингдек, зикр этилган контингент томонидан “дин ниқоби” остида содир этилаётган хунрезликлар ва қўпорувчилик ҳаракатларининг салбий оқибатлари ҳамда дунё ҳамжамияти ушбу ҳаракатларни глобал муаммо сифатида жамият ва минтақа хавфсизлигига энг катта таҳдид эканлиги эътироф этилганлиги таъкидланди. А.А.Абдуллаев хам, диний экстремизмнинг асли моҳияти қўпорувчилик ва тажовузкорона хатти-харакат эканлигини аниқ мисоллар билан кўрсатиб бердилар. 

 Тадбирда иштирок этган профессор-ўқитувчилар ва талабалар ўзларининг қизиқтирган саволларига жавоб олишди. Давра суҳбати қизиқарли тарзда бўлиб ўтди.

   2014 йил 22 ноябрь куни Тошкент ислом университетига Малайзия Халқаро ислом университети Муҳандислик факультети декани проф.Нур Бин Саллеҳ бошчилигидаги делегация ташриф буюрди. МХИУ Муҳандислик факультети профессор-ўқитувчиларидан иборат делегация ТИУнинг Манбалар хазинаси фонди, тегишли факультет фаолияти билан яқиндан танишди. ТИУ ва МХИУ соҳа мутахассислари икки университет ўртасида мавжуд Англашув Меморандуми доирасида талабалар алмашинуви, мутахассислар алмашинуви дастурларини ишга тушириш ва илмий тадқиқот мавзулари бўйича қўшма лойиҳаларни амалга ошириш режаларини муҳокама этилди.

   Мамлакатимизда ёшларнинг хар томонлама баркамол эртанги кун эгаси бўлиб ўсишлари учун жуда кўп салмоқли ишлар амалга оширилмоқда. Хусусан жорий йилнинг “Соғлом бола йили” деб эълон қилиниши хам ушбу ислоҳотларнинг амалий ифодасидир. Юртбошимиз томонидан ёшларга берилаётган эътибор ва имкониятлар уларни илм чўққиларини забт этишга ва ватанга муносиб фарзанд бўлишга чорлайди. 

• адабиёт

         “Kulgu kechasi” deb biroz bo’rttirdik. Aslida bu o’zimizning hamma bilgan “Quvnoqlar va zukkolar” bellashuvi edi. Kuni kecha Toshkent islom universiteti talabalari yoshlar, talabalik hayoti, jamiyat qo’yinki, barcha yo’nalishlarni qamrab olagan bugungi kunda dolzarb mavzuga aylangan masalalarni sahnaga “olib chiqishdi”. 4 ta jamoa ishtirok etgan ushbu tadbirga universitetning yarmi (!) tashrif buyurdi. Tinimsiz qarsaklar va olqishlar ostida o’tgan ushbu musobaqa barcha tomoshabinlarga ko’tarinki kayfiyat va mulohaza qilish uchun mavzularni taqdim etdi. Yakunda albatta g’oliblar aniqlandi lekin, asosiysi universitet terma jamoasi uchun yangi iqtidorlar saralanib olindi.

       Tadbir tashkilotchilaridan biri “Kamolot” YIH Toshkent islom universiteti boshlang’ich tashkiloti Kengashi a’zosi Pozilov Nozimjon shunday fikrlarni bildirib o’tdi: “Bunday tadbirlarni yoshlar o’rtasida o’tkazib turish kerak. Sababi bizning e’tiborimizdan chetda qolayotgan, yoshlar murojaat eta olmayotgan, hatto anonim so’rovnomalarda ham qayd etilinmay kelayotgan muammolarni sahnada ko’ramiz. Umuman olganda ushbu loyiha ko’plab yoshlarni o’z atrofida birlashtirayotgan loyihalarda biridir. Shu sababli bizning universitetimizda ham loyihaga qiziqish katta”.

     Tadbir davomida faol talabalar, konkurs va bellashuv g’oliblari esdalik sovg’alar hamda diplomlar bilan taqdirlandilar.

         “Men talabaman” deya fahr iftihor bilan tahsil olish barcha yoshlarga ham nasib etavermaydi va aynan shu davr yoshlikning eng jo’shqin davri hisoblanadi. Shu sabali ham “talabalik – oltin davrim” deyishsa ajab emas. Yoshlar talabalik baxtiga muyassar bo’lar ekan ilmiy faoliyat bilan bir qatorda yorqin xotiralarga boy kunlarga ham ega bo’ladi. Ulardan biri bu – butun talabalik davrida to’rt marotaba bo’ladigan “Butunjahon talabalar kuni”dir. Buni bilgan “Kamolot” YIH Toshkent islom universiteti boshlang’ich tashkiloti faollari 17-noyabr kuni universitet talabalari o’rtasida qiziqarli o’yinlar va vaziyatlarga to’la bo’lgan “Jo’shqin sayl”ni tashkil etishdi. Bunda talabalar o’nga yaqin belgilangan joylarda yoshlik hamda talabalik shukuhini beruvchi o’yinlar, viktorinalar, musobaqalarni joriy etib unda g’olib bo’lganlarga Boshlang’ich tashkilotning ramziy kuponlarini taqdim etishdi. Ushbu yig’ilgan kuponlarga “Kamolot market”dan turli xil narsalarni xarid qilish mumkin edi. Uzoq davom etgan sayl yuqori kayfiyatda yakuniga yetdi.

          Toshkent islom universitetida tashkil etilgan ushbu tadbir davomida Boshlang’ich tashkilotning fakultet sardori Majidov Botir o’zining fikrlari bilan o’rtoqlashdi: “Bugungi bayram talabalarning kunini nishonlash bilan birga, ularning faoliyatiga rang-baranglikni, jo’shqinlikni, hursandchilikni va quvnoq kayfiyatni olib kiradi. Talabalar o’zlariga qaratilayotgan ushbu e’tibordan so’ng zimmalaridagi vazifaga yanada ko’proq mas’uliyat bilan kirishadilar”.

         Tashkilotchilarning aytishiga ko’ra sayl bayram dasturining birinchi qismi bo’lib oldinda bayram konserti kutib turibdi.

Маьлумки, Тошкент ислом университетида ўқув услубий ишлар билан бир қаторда маънавий, маърифий ишлар самарадорлиги хам кенг йўлга қўйилган.

Жорий йилнинг сентябрь ойида Тошкент ислом университети «Миллий ғоя, маънавият асослари ва ҳуқуқ таьлими» йўналиши 2-босқич талабалари Республика Маънавият тарғибот марказига ташриф буюришди. Ватанимиз мустақиллигининг маънавий асосларини мустаҳкамлаш, миллий қадриятларимиз, анъана ва урф-одатларимизни асраб-авайлаш халқимиз, айниқса, ёш авлод қалби ва онгига она юртга муҳаббат, истиқлолга садоқат туйғуларини чуқур сингдириш масаласи бугунги кунда тобора долзарб аҳамият касб этмоқда.

Бу борада тегишли идора ва ташкилотлар, жумладан, Республика Маънавият ва маърифат кенгаши ҳамда унинг жойлардаги бўлимлари томонидан муайян ишлар амалга оширилаётганини қайд этиш лозим.

Талабалар дастлаб марказ билан яқиндан танишиб, сўнгра анжуманлар залида “Бугунги кунда маънавият соҳасидаги изчил ислоҳотлар” мавзуида маъруза тинглашди.

Албатта, талабаларнинг юртимиздаги маънавият ва маърифат соҳасидаги бўлаётган янгиликлар билан таништириш ушбу йўналишдаги марказлар билан яқиндан ҳамкорлик қилиш, уларни ватанпарварлик руҳида тарбиялашга хизмат қилади.

Тошкент ислом университети Матбуот котиби

   TOSHKENT ISLOM UNIVERSITETIGA  ILK QADAMINI QO’YGAN TALABALAR BILAN “KAMOLOT” YIH BT NING “BIRLASHIB-BIZ KATTA KUCHMIZ” SHIORI OSTIDA UCHRASHUVI BO’LIB O’TDI.

       Uchrashuvda talabalarga  “Kamolot” YIH TIU BTning maqsadi, vazifalari va  yo’nalishlari haqida to’liq ma’lumot berildi. Boshlang’ich tashkilotning universitetdagi faoliyati, turli xildagi tadbirlar va tanlovlar, ularning shartlari,  o’tkazilish vaqtlari bilan yaqindan tanishtirildi. Tadbirda shuningdek, kengash a’zolari so’zga chiqib boshlang’ich tashkilotni talabalar o’qishdagi va undan keyingi hayotidagi muhim ro’li haqida ta’kidlab o’tdilar. Boshlang’ich tashkilot bu – oddiy va rasmiy tashkilot emas balki, talabalarning bo’sh vaqtini mazmunli o’tkazadigan, iqtidorli talabalarni qo’llab quvvatlaydigan, yoshlarning ma’naviy ongiga o’stirishga xizmat qiluvchi tashkilot ekanligi aytib o’tildi. Harakat faoliyatining: yoshlarni birlashtirish, sog’lom turmush talablari asosida tarbiyalash, jamiyatda munosib o’rin egallashga ko’maklashish, ularning manfaatlarini himoya qilish, yosh yigit qizlarni o’z aql -zakovati, kuch g’ayratini to’la namoyon etish uchun zarur shart-sharoitlar yaratib berish kabi asosiy maqsadlari yoshlar ongiga uqtirildi.

        “Kamolot” YIH TIU BTning shu kungacha bosib o’tgan yo’li va yutuqlari namoyish etildi. Hozirda resrublika miqiyosida o’tkazilayotgan tanlovlar, ularning bosqichlari o’tkazilish tartibi, ta’sis etilgan stipendiyalar to’grisida ma’lumotlar berildi. Tadbir so’ngida viktorina savollari taqdim etildi va g’oliblar boshlang’ich tashkilot tomonidan taqdirlandi.

 “Kamolot” YIH TIU BT

Matbuot yo'nalishi faoli

 Ahmedov Doniyor